• catholic.ge
  • YouTube - კანალი
  • კათოლიკური ეკლესია

'მოსმენა გულის უნარია' – პაპი ფრანცისკე




„მოსმენა არის გულის უნარი, რაც შესაძლებელს ხდის სიახლოვეს“, - დაწერა პაპმა სოციალური კომუნიკაციების მსოფლიო დღისადმი მიძღვნილ მიმართვაში. მისი მთავარი თემაა – მოსმენა. მოსმენის უსაზღვრო სურვილი ადამიანის ერთ-ერთი ყველაზე მნიშვნელოვანი მოთხოვნილებაა და შეუცვლელია ინტერპერსონალურ კომუნიკაციაში.


“ღვთის მოსმენა მადლის მოქმედებაა, საიდანაც რწმენა იბადება. ღმერთი ცნობს ადამიანს, როგორც თავის თანამოსაუბრეს, ამიტომ მიმართავს მას თავისი სიტყვით, მაგრამ ასევე ყურს უგდებს, რათა მოუსმინოს. მოსმენა არის ძალიან მნიშვნელოვანი განზომილება ღვთისა და ადამიანის სიყვარულისა. სწავლებაში იესო ახსენებს თავის მოწაფეებს, რომ საკმარისი არ არის მოსმენა, არამედ მისი კარგად შესრულება, კეთილშობილური და კეთილი გულით სიტყვის მიღება სიცოცხლისა და ხსნის ნაყოფია“.


ფრანცისკე აღნიშნავს, რომ გული მოსმენის მთავარი ადგილია. მისი პირველი განზომილება არის საკუთარი თავის ღრმა სურვილების მოსმენა. სხვისი კარგად მოსმენის წინაპირობაა პირისპირ, ერთგული, სანდო და გულწრფელი გახსნილობა. „რეალურ კომუნიკაციაში „მე“ და „შენ“ „გამტარები“ ვართ, ისინი ერთმანეთში აღწევენ. თქვენ ვერ დაამყარებთ კომუნიკაციას, თუ თავდაპირველად არ მოუსმენთ. ასევე არ არსებობს კარგი ჟურნალისტიკა ამ უნარის გარეშე. დიდხანსმოსმენა საშუალებას გაძლევთ ივარჯიშოთ გამჭრიახობის ხელოვნებაში, რომელიც მოიცავს მრავალი ხმის სიმფონიაში ორიენტირების უნარს. ეს მოითხოვს მოთმინებას და გაოცების უნარს. როდესაც ის დაკავშირებულია სამყაროს ფართო ხედვასთან, ის რჩება გამდიდრებული, რადგან ყოველთვის შეგიძლია ისწავლო რაღაცები სხვებისგან და გამოიყენო ის შენს ცხოვრებაში“.


პაპმა ხაზგასმით აღნიშნა, რომ საზოგადოების მოსმენის უნარი განსაკუთრებით მნიშვნელოვანია პანდემიის დროს: „დღეს საგრძნობლად გაიზარდა გამჭვირვალე და სანდო ინფორმაციის საჭიროება, რომელიც არ შემოიფარგლება მხოლოდ ფრაგმენტული ინფორმაციით, რომელიც ემსახურება ძალაუფლების საჭიროებებს ან საზოგადოებრივი აზრის მანიპულირებას. წმინდა მამამ ასევე ხაზი გაუსვა იმ მიგრანტების ისტორიების მოსმენის მნიშვნელობას, რომლებიც არ არიან რიცხვები, არამედ კონკრეტული სახეები აქვთ და მხრებით ატარებენ უამრავ ტანჯვასა და მომავლის იმედს“.


პაპის თქმით, მოსმენა ყველაზე ძვირფასი საჩუქარია, რაც შეგვიძლია საკუთარ თავს ადამიანმა გაუკეთოს. ის ციტირებს პროტესტანტი თეოლოგის, დიტრიხ ბონჰოფერის სიტყვებს, რომელიც აღნიშნავს, რომ ღვთის ყურით უნდა მოვუსმინოთ, თუ მისი სიტყვის თქმა გვინდა. ის გვახსენებს, რომ ვინც არ უსმენს სხვა ადამიანს, ვერ შეძლებს დაემორჩილოს ღმერთს. თავისუფალი დროის დათმობა ხალხის მოსასმენად სიყვარულის ყველაზე მნიშვნელოვანი და პირველი აქტია.

წყარო: www.vaticannews.va


შოთა გიქოშვილი