ჯუზეპინა ვანინი – ობლობიდან ავადმყოფთა ზრუნვამდე

16 ოქტომბერს კათოლიკე ეკლესია დედა ჯუზეპინა ვანინს მოიხსენიებს. იგი არის წმინდა კამილოს ასულთა კონგრეგაციის დამფუძნებელი. 2019 წლის 13 ოქტომბერს, მონაზონი პაპმა ფრანცისკემ წმინდანად შერაცხა.

დაიბადა რომში, 1859 წელს. მისი ბავშვობის სახელი იყო ჯუდიტა. ადრე დაობლდა, ორივე მშობელი სამი წლის განმავლობაში დაკარგა. ჯუდიტა და მისი ორი ძმა ობლად დარჩნენ და ბავშვთა სახლში აღმოჩნდნენ.

ბავშვთა სახლს წმინდა ვინსენტ დე პოლის ქველმოქმედების ქალიშვილები მართავდნენ. აქ ჯუდიტამ პირველად განიცადა რელიგიური ცხოვრებისკენ მოწოდება.

1891 წელს, მან გაიცნო კამილიელი მამა ლუიჯი ტეცა, რომელთან ერთადაც ჩამოაყალიბა რელიგიური კრება „წმინდა კამილოს ასულნი“.

ჯუდიტამ რელიგიური სახელად ჯუზეპინა აირჩია და მალევე გახდა ახალი რელიგიური კრების „წმინდა კამილიუსის ქალიშვილების“ უმაღლესი გენერალი. ახალ ინსტიტუტს საეკლესიო ხელისუფლების საბოლოო დამტკიცება სჭირდებოდა, მაგრამ პაპმა ლეონ XIII– მ მის დამტკიცებაზე უარი ორჯერ თქვა. პაპს გადაწყვეტილი ჰქონდა არ დაეშვა ახალი რელიგიური თემების დაფუძნება.

კრებამ, ოფიციალური მოწონება მხოლოდ 1909 წელს მიიღო.

დედა ჯუზეპინა 1911 წელს, რომში 51 წლის ასაკში გულის დაავადებით გარდაიცვალა. იმ დროისთვის, კამილიელებს უკვე ჰქონდათ 156 რელიგიური აღიარება და 16 რელიგიური სახლი ევროპასა და ამერიკაში.

მთავარი მემკვიდრეობა, რომელიც დამფუძნებელმა დებს დაუტოვა, ავადმყოფთა სუფთა და უბრალო, ფიზიკური და სულიერი მოვლაა, რომელსაც ახორციელებდნენ, როგორც სახლებში, ასევე საავადმყოფოებში, კეთროვანებსა და მეძუძურებთან. ევროპის სარეაბილიტაციო ცენტრებსა და მისიონერულ ქვეყნებში.

1994 წლის 16 ოქტომბერს რომის პაპმა იოანე პავლე მეორემ ჯუზეპიპნა ვანინი ნეტარად შერაცხა. 2019 წლის 13 ოქტომბერს კი პაპმა ფრანცისკემ იგი წმინდანად აკურთხა.

catholic.ge