2021 წლის 9 აპრილს, ძმა დემეტრე თბილელისა და მისი სულიერი ძმების მოწამეობიდან 700 წლისთავთან დაკავშირებით მარიამის ზეცად აღყვანების ტაძარში აღვლენილი წირვის შემდგომ გაიმართა სამწყსო წლის ლოგოს შესაქმნელად გამოცხადებულ ღია კონკურსში გამარჯვებულ ახალგაზრდათა დაჯილდოება:

I ადგილი: ვალეს სამრევლოს ახალგაზრდები

II ადგილი: ივანე ფეიქრიშვილი(თბილისი)

III ადგილი: ჭიათურის ახალგაზრდები

გამარჯვებული ლოგოს ავტორები გახდნენ ვალის სამრევლოს ახალგაზრდები.

მათი განმარტება ლოგოს შესახებ ასეთია:

საქართველოს რუკა - მწვანე ფერი - სიმშვიდის ნიშანი

ფატიმის ღვთისმშობელი - ლურჯი - მარიამის შესამოსელის ფერი (ამ წლის ოქტომბრის თვეში პორტუგალიიდან საქართველოში ჩამოაბრძანებენ ფატიმის ღვთისმშობლის ქანდაკებას).

შროშანი - წმიდა იოსების სიწმინდის ნიშანი.

ოქროსფერი - დიდებისა და ძალის ნიშანი. 2021 წელი - წმიდა იოსების წელიწადი.

ძმა დემეტრე - ლათინური ანბანის ასო T (ტაუ) - ფრანცისკელთა ნიშანი (ვინაიდან ძმა დემეტრე თბილელი ფრანცისკელი ბერი იყო);

წითელი ფერი - მოწამეთა ფერი.

ოთხ ფერში (ლურჯი, მწვანე, ოქროსფერი, წითელი) გამოსახული ჯვარი - კათოლიკე ეკლესიის მისიის ნიშანი მთელ მსოფლიოსა და საქართველოში.

2021 წლის, როგორც სამწყსო წლის ლოგოს შესარჩევად კონკურსი საქართველოს ახალგაზრდულმა ცენტრმა გამოაცხადა.

წყარო: ჟურნალი "საბა"

(2021 წლის, აპრილი)