პაპმა კარდინალთა კონსისტორიუმი დანიშნა

26–27 ივნისს, ​პაპმა ლეონ XIV-მ კარდინალთა კონსისტორიუმი დანიშნა. პაპმა  იანვარში გამართული პირველი შეხვედრა გაიხსენა და მას „ძვირფასი მონაპოვარი“ უწოდა.

12 აპრილით დათარიღებულ წერილში, რომელიც კარდინალთა კოლეგიას გაეგზავნა, პაპმა ხაზი გაუსვა ეკლესიის მისიისა და სინოდალობის შესახებ გამართული დისკუსიების მნიშვნელობას. მან მაღალი შეფასება მისცა მაშინდელ თავისუფალ და სულიერად ნაყოფიერ აზრთა გაცვლას.

​ძირითადი აქცენტები პაპის წერილიდან​

Evangelii Gaudium-ის ხელახალი გააზრება: პაპმა მოუწოდა ყველას, კიდევ ერთხელ დაუბრუნდნენ ამ დოკუმენტს, რომელსაც მან „მნიშვნელოვანი ორიენტირი“ უწოდა, რადგან ის სახარების ქადაგებას ეკლესიის ცხოვრების ცენტრში აყენებს.​

მისია

წმინდა მამამ მოუწოდა ეკლესიას, პასტორალური მიდგომიდან მისიონერულ მიდგომაზე გადავიდეს. მან წაახალისა საკრებულოები, გახდნენ უფრო ღია და ყურადღებიანი ურთიერთობებში, ხოლო მოძღვრებს ურჩია მისიონერული გამბედაობა.

​მიზიდულობა და არა დაპყრობა

პაპმა ლეონმა ხაზგასმით აღნიშნა, რომ ეკლესიის მისია სამყაროსთვის ღვთის სიყვარულის გადაცემაა მიზიდულობის და არა დაპყრობის გზით, მაშინაც კი, როდესაც ქრისტიანები უმცირესობაში არიან.

შოთა გიქოშვილი