პაპმა ფრანცისკემ და ბენედიქტე XVI-მ კორონავირუსის ვაქცინა გაიკეთეს

13 იანვარს, დილით კოვიდპანდემიის საწინააღმდეგო ვაქცინაციას პაპი ფრანცისკე და მისი წინამორბედი, ემერიტუსი პაპი ბენედიქტე XVI შეუერთდნენ და ვაქცინის პირველი დოზა გაიკეთეს. ამის შესახებ, ჟურნალისტებს ინფორმაცია წმინდა საყდრის პრეს-ცენტრის ხელმძღვანელმა მათეო ბრუნიმ მიაწოდა.

შეგახსენებთ, რომ გასულ კვირას პაპმა ფრანცისკემ იტალიის ტელევიზიის Canale 5 -ის საშუალებით გაავრცელა ინფორმაცია, რომ ერთ კვირაში გაიკეთებდა COVID 19-ის საწინააღმდეგო ვაცინას.

ინტერვიუს დროს, პაპმა აღნიშნა, რომ ვაქცინის მიღება არის ეთიკური საქციელი, რადგანაც ამ გზით არა მხოლოდ საკუთარ, არამედ სხვების სიცოცხლესაც ვიცავთ.

თარგმანი - შოთა გიქოშვილი