პაპი ქალაქ იზნიქს (ნიეკას) ეწვია

თურქეთში, თანამედროვე იზნიქში, რომელიც უძველესი ნიკეის ადგილია, პაპი ლეონ XIV–მ, ქრისტიანული ეკლესიების დაახლოებით 27 სხვა ლიდერთან ერთად,  ეკლესიის ისტორიაში პირველი საეკლესიო კრების 1700 წლისთავი იზეიმა.

ეკუმენური ლოცვა, თურქეთში პაპის სამოციქულო მოგზაურობის მეორე დღეს გაიმართა.

მიმართვისას, პაპმა მადლობა გადაუხადა კონსტანტინოპოლის მსოფლიო პატრიარქს, პატრიარქ ბართლომე I-ს, მისი „დიდი სიბრძნისა და შორსმჭვრეტელობისთვის“. ასევე პაპმა ეკლესიის ლიდერებს მოუწოდა, ერთად აღნიშნონ ეს მნიშვნელოვანი წლისთავი.

პაპმა გაიხსენა, რომ ნიკეის კრება 325 წელს ჩატარდა, დღესაც კი, ყველა ქრისტიანმა უნდა დაუსვას საკუთარ თავს კითხვა, თუ ვინ არის იესო ქრისტე პირადად მისთვის?

„ეს კითხვა განსაკუთრებით მნიშვნელოვანია ქრისტიანებისთვის, რომლებიც რისკავენ და იესო ქრისტეს ქარიზმატულ ლიდერად მიიჩნევენ, რაც მცდარი წარმოდგენაა და საბოლოოდ დაბნეულობას იწვევს“, – განმარტა პაპმა.

მისივე თქმით, „ნიკეის კრებამ განამტკიცა მთავრი ქრისტიანული სიმბოლო, რომელსაც დღეს სარწმუნოების აღიარებას ვუწოდებთ და რომელსაც ყველა ქრისტიანული ეკლესია და საზოგადოება აღიარებს“.

მისი თქმით, ნიკეის კრება შეთანხმდა ქრისტოლოგიურ აღსარებაზე, რომელსაც ახლა ნიკეის სარწმუნოების სიმბოლოს ვუწოდებთ და რომელსაც აღიარებს ყველა ქრისტიანული ეკლესია და თემი.

რწმენის სიმბოლოს, როგორც ცნობილია, „ფუნდამენტური მნიშვნელობა ჰქონდა ქრისტიანების სრული ზიარებისკენ მიმავალ გზაზე“.

„რწმენა  - ერთი უფლისა იესო ქრისტესი, ღვთის მხოლოდშობილი ძისა, მამისგან შობილი ყველა საუკუნემდე... მამის თანაარსი (ნიკეის სარწმუნოების სიმბოლო), ღრმა კავშირია, რომელიც ყველა ქრისტიანს აერთიანებს “.

პაპმა ქრისტიანებს მოუწოდა, რომ ერთიანობის კავშირი მიიღონ და კიდევ უფრო ღრმად იმოგზაურონ „იესო ქრისტეში გამოცხადებული ღვთის სიტყვის ერთგულებით, სულიწმიდის ხელმძღვანელობით, ურთიერთსიყვარულითა და დიალოგით“.

მისი განმარტებით, განხეთქილებების დაძლევითა და ერთმანეთთან შერიგებით, ქრისტიანებს შეუძლიათ უფრო მყარად დაამოწმონ იესო ქრისტე და რომ ქრისტიანული ერთიანობა უმნიშვნელოვანესია ძალადობითა და კონფლიქტებით სავსე სამყაროში.

„ მორწმუნეებს შორის სრული ერთობის სურვილს ყოველთვის თან ახლავს თითოეულ ადამიანს შორის ძმობის ძიების სურვილი“, - თქვა პაპმა და მოუწოდა ყველა ადამიანის უფლებებისა და ღირსების აღიარებისკენ, მიუხედავად მათი ეთნიკური კუთვნილებისა, ეროვნებისა, რელიგიისა თუ პირადი პერსპექტივისა.

დასასრულს, ლეონ XIV-მ მადლობა გადაუხადა ქრისტიანული  საკრებულოების დელეგატებს ლოცვაში მონაწილეობისთვის და მადლიერება გამოხატა პატრიარქ ბართლომეოსის მიმართ, რომელმაც დიდი სიბრძნითა და წინდახედულებით გადაწყვიტა ნიკეის კრების 1700 წლის იუბილეს ერთობლივად აღნიშვნა სწორედ იმ ადგილას, სადაც ის ჩატარდა.

CATHOLIC.GE