პაპის ჯანმრთელობისთვის ვატიკანში „სავარდს“ ილოცებენ

24 თებერვალს, იტალიის დროით 21:00 საათზე, [თბილისის დროით 00:00 საათი] წმიდა პეტრეს მოედანზე პაპის ჯანმრთელობისთვის „სავარდი“ აღევლინება.

ლოცვას ვატიკანის სახელმწიფო მდივანი, კარდინალი პიეტრო პაროლინი გაუძღვება.

წმიდა საყდრის პრესსამსახურის ინფორმაციით, "დღეს საღამოს [24.02.2025], რომში მცხოვრები კარდინალები, რომის კურიისა და რომის ეპარქიის ყველა თანამშრომელთან ერთად, შეიკრიბებიან წმიდა პეტრეს მოედანზე საღამოს 9:00 საათზე, რათა ილოცონ „სავარდი“ პაპის ჯანმრთელობისთვის".

წმიდა პეტრეს მოედნიდან ლოცვა პირდაპირ ეთერში გადაიცემა Vatican News-ის ვებ– გვერდზე და სოციალური მედიის არხებზე.

ლოცვა ასევე აღევლინა ჯემელის კლინიკის წინ, სადაც წმინდა მამა გადის მკურნალობა. გარდა იტალიისა, მისი ჯამრთელობისთვის ლოცულობენ მთელს მსოფლოში, მათ შორის საქართველოს კთოლიკე ეკლესიაშიც.

შოთა გიქოშვილი