ლოცვის მსოფლიო ქსელი ავრცელებს წმინდა მამის 2022 წლის ლოცვით ზრახვებს.
იანვარი – ძმური სულისკვეთებით აღზრდისათვის
ჩვენ ვლოცულობთ რათა ყველამ, ვინც იტანჯება დისკრიმინაციითა და რელიგიური დევნით, პოვონ მათი უფლებების აღიარება და ღირსება იმ საზოგადოებაში, რომელშიც ისინი ცხოვრობენ.
თებერვალი – ბერ–მონაზონთათვის
ვილოცოთბერ–მონაზონთათვის, მადლი შევწიროთ მათი მისიისა და სიმამაცისათვის, რათა მათ შეძლონ ყოველთვის იპოვონ ჩვენი დროის გამოწვევებზე პასუხები.
მარტი – ბიოეთიკის გამოწვევების ქრისტიანული პასუხებისთვის
მოდით, ვილოცოთ, რომ ჩვენ, ქრისტიანებმა, ბიოეთიკის გამოწვევების სახის წინაშე შევძლოთ წვლილის შეტანა ლოცვითა და სოციალური ქმედებებით სიცოცხლის დაცვის საქმეში.
აპრილი – ჯანდაცვის მუშაკთათვის
ვილოცოთ, რათა ჯანდაცვის მუშაკთა ერთგული ზრუნვა ხანდაზმულთა და ავადმყოფთათვის, განსაკუთრებით მოწყვლად ქვეყნებში იყოს მხარდაჭერილი ხელისუფლებებისა და ადგილობრივი საზოგადოებების მიერ.
მაისი – ახალგაზრდების რწმენისთვის
ვილოცოთ, რომ ახალგაზრდებმა, რომლებიც სრულად არიან მოწოდებულნი სიცოცხლისთვის, აღმოაჩინონ მარიამის მოსმენის ჩვევები,
გამჭრიახობის სიღრმე, რწმენის გამბედაობა და მსახურებისადმი თავდადება.
ივნისი – ოჯახებისთვის
მოდით ვილოცოთ ქრისტიანული ოჯახებისთვის მთელსმსოფლიოში, რათა მათ განიცადონ კონკრეტული ჟესტებით სიყვარული და სიწმინდე ყოველდღიურ ცხოვრებაში.
ივლისი – მოხუცებულთათვის
ვილოცოთ მოხუცებულთათვის, რომლებიც წარმოადგენენ ხალხის ფესვებსა და ხსოვნას, რათა მათი გამოცდილება და სიბრძნე დაეხმაროს უფრო ახალგაზრდა ადამიანებს იმედითა და პასუხისმგებლობით შეხედონ მომავალს.
აგვისტო – მცირე და საშუალო მეწარმეებისთვის
ვილოცოთ, რომ ეკონომიკური და სოციალური კრიზისით დაზარალებულმა მცირე და საშუალო მეწარმეებმა, იპოვონ თავიანთი საქმიანობის გასაგრძელებლად საჭირო საშუალებები იმ საზოგადოების სამსახურში, სადაც ისინი ცხოვრობენ.
სექტემბერი – სიკვდილით დასჯის გაუქმებისთვის
ვილოცოთ, რომ სიკვდილით დასჯა, რომელიც ურტყამს ადამიანის ხელშეუხებლობასადა ღირსებას, იყოს გაუქმებული მსოფლიოს ყველა ქვეყნის კანონმდებლობაში.
ოქტომბერი – ყველასთვის ღია ეკლესიისთვის
ვილოცოთ, რომ ეკლესია, სახარების ერთგული და გაბედული მის ქადაგებაში, იყოს ადგილი სოლიდარობის, ძმობისა და სტუმართმოყვარეობისა, ცოცხალი და სულ უფრო და უფრო მეტად სინოდალური.
ნოემბერი – ბავშვებისთვის, რომლებიც იტანჯებიან.
ვილოცოთ, რომ ბავშვები, რომლებიც იტანჯებიან ქუჩაში ცხოვრებით და ომების მსხვერპლნი და ობლები არიან, შეძლონ განათლების მიღება და ხელახლა აღმოაჩინონ ოჯახის სიყვარული.
დეკემბერი – მოხალისეობრივი ორგანიზაციებისთვის
ვილოცოთ, რომ მოხალისეებმა და ადამიანთა ხელშემწყობმა ორგანიზაციებმა იპოვონ ადამიანები, რომლებიც მოწადინებული არიან საერთო კეთილდღეობისთვის და ეძიებენ თანამშრომლობის ახალ გზებს საერთაშორისო დონეზე.
Catholic.ge